KMK stendur fyrir krossgátukvöldi föstudagskvöldið 1. desember næstkomandi kl. 21 í Regnbogasal Samtakanna ’78, Laugavegi 3.
Byggt er á sunnudagskrossgátu Tímarits Morgunblaðsins enda er hér um sama höfund að ræða eða Ásdísi Bergþórsdóttur. Alls verða þrjár krossgátur bornar á borð og verða þær léttari en Morgunblaðsgáturnar og því ættu allar konur að geta tekið þátt. Keppt verður í hópum en stærð hvers hóps fer eftir mætingu.
Leikarnir taka um klukkustund og í framhaldinu verður barinn opinn áfram fyrir kvennakvöld.
Mætum galvaskar og brjótum heilann saman!
-KMK
