FRÆÐSLUFUNDUR FKB

Þriðjudaginn 27. mars halda fræðslusamtök um kynlíf og barneignir opinn fræðslufund í Litlu Brekku, Bankastræti 2. Á dagskrá eru þrjú erindi: Jón Ólafur Ólafsson og Rut Guðmundsdóttir fjalla um reynsluna af kynskiptri fræðslu um nauðganir í 10. bekk, Anna Jonna Ármansdóttir fjallar um málefni transgender fólks, og Sigurlaug Hauksdóttir kynnir MA verkefni sitt um viðhorf mæðra til kynfræðslu 15 og 16 ára barna. Fundurinn er öllum opin.

Fræðslufundur FKB – fræðslusamtaka um kynlíf og barneignir
Þriðjudaginn 27. mars 2007
Litlu Brekku, Bankastræti 2
Kl. 17:00 – 19:00

Dagskrá:

Kynjaskipt fræðsla um nauðganir
Fyrirlesarar eru Jón Ólafur Ólafsson og S. Rut Guðmundsdóttir, hjúkrunarfræðinemar. Í þessu erindi fjalla þau um verkefni sem þau unnu í Heilsugæslu samfélagsins en þar fóru þau með kynskipta fræðslu um nauðganir fyrir grunnskólanemendur í 10. bekk.

Hvað er transgender?
Fyrirlesari er Anna Jonna Ármansdóttir og ræðir hún um málefni transgender fólks hér á landi. Í erindi sínu kynnir hún sögu trans hugtaksins frá lækninum og kynfræðingnum Magnus Hirschfeldt á þriðja áratug seinustu aldar, um leiðréttingar á kyni á hvítvoðungum án vitundar eða samþykkis foreldra, eins og þær voru gerðar um miðja seinustu öld og hinsvegar á fullorðnum með þeirra samþykki, og þá siðfræði sem var tengd þessu, og síðan nútímann þar sem það að vera trans er að verða kynpólítískt statement.

Kynlíf er ekkert grín! Kynfræðsla sem mæður veita unglingum
Fyrirlesari Sigurlaug Hauksdóttir, félagsráðgjafi með MA í uppeldis- og menntunarfræði ræðir um MA verkefni sitt sem er byggt á eigindlegum viðtölum við mæður unglinga. Í þessu erindi fjallar hún um viðhorf mæðra til kynfræðslu 15 og 16 ára barna.

Fundarstjóri er Ingólfur V. Gíslason
Fundurinn er öllum opinn!

-Stjórn FKB