Fyrsta miðvikudag í hverjum mánuði hittist fólk sem er í óhefðbundinni stöðu með kyn sitt. Það óhefðbundna getur falist í kynáttun, kynhneigð, litningum, hormónajafnvægi, kynhlutverki, félagslegu kyni, skurðaðgerðum er varða kynið, og öðru er varðar kyn á einhvern hátt.
Aðalviðfangsefnið er endurbætur á þjóðfélagslegum aðstæðum, aðstæðum við atvinnu og nám, ásamt félagslegum aðstæðum og fjölskyldutengslum.
Inn í þetta fléttast réttarbætur varðandi nafnalögin, og margt annað. Einnig þurfum við að takast á við siðferðilega hlaðin hugtök tengd hugtakinu kynvillu, og eru hugtökin kynskiptingur og klæðskiptingur þar fremst í flokki.
Einnig þurfum við að takast á við þröngsýnan skilning á því eðlilega og hugmyndum um að við séum utan þess eðlilega og tilraunir til að skilgreina okkur sem slík.
Hópurinn hittist fyrsta miðvikudag í mánuði í félagsheimili Samtakanna ’78, Laugavegi 3. Næsti fundur er miðvikudaginn 2. maí og hefst kl. 21.00.
-Transhópurinn
