Kæri félagi, hvar verður ÞÚ á Menningarnótt?
Samtökin ’78 ætla að opna dyrnar fyrir gestum og gangandi og segja við gesti menningarnætur: “Gakktu í bæinn”
Það verður opið hús frá kl 14-22 og mun fólk úr stjórn og trúnaðarráði vera á staðnum, sýna húsnæðið, kynna starfsemina og svara spurningum gesta.
- Myndlistarsýning Körlu Daggar Karlsdóttur hangir á veggjum Samtakanna og verður listamaðurinn í húsi seinni part dags.
- Nýstofnaður Hinsegin kór tekur lagið klukkan 17:30
- Trausti Laufdal trúbador spilar og syngur kl 18:30
- Dragkóngur og dragdrottning koma í opinbera heimsókn milli klukkan 20 og 21 og aldrei að vita nema þau stigi á stokk
Píanó er á staðnum fyrir músíkalska gesti sem vilja spila og/eða syngja fyrir aðra gesti.
Kaffi og vöfflur í boði hússins en fólk hvatt til þess að styrkja Samtökin á einn eða annan hátt…
Endilega kíkið í heimsókn og dragið með vini og vandamenn sem aldrei hafa komið í Regnbogasalinn 🙂
Þá minnum við einnig á að nú eru skráðir 3 hlauparar sem hlaupa til styrktar Samtökunum ’78 í Reykjavíkurmaraþoninu.
Upplýsingar um hvernig hægt er að heita á þá má finna HÉRNA
Ef allir félagsmenn og velunnarar samtakanna heita, þó ekki væri nema 500 krónum, á hlauparana þá myndi það laga fjárhagsstöðu félagsins mjög mikið.
