11. Stjórnarfundur S78 18.09.2013

11. Stjórnarfundur S78 18.09.2013

 

Mætt: Stjórnarmennirnir Fríða Agnarsdóttir, Vilhjálmur Ingi Vilhjálmsson (Villi), Svandís Anna Sigurðardóttir (SAS), Guðrún Arna Kristjánsdóttir (GAK), Örn Danival Kristjánsson, Anna Pála Sverrisdóttir (APS), Sverrir Jónsson (Áheyrnarfulltrúi Trúnaðarráðs), Árni Grétar Jóhannsson (ÁG) (framkvæmdastjóri S78), Sigurður Júlíus Guðmundsson (Siggi)

 

Fjarverandi: Gunnar Helgi Guðjónsson (GHG)(Áheyrnarfulltrúi Trúnaðarráðs)

 

Fundur settur: 17:05

 

1.  Fundargerð síðasta fundar: Samþykkt

 

2. Umsókn um þróunarsamvinnuverkefni S78 og FARUG í Úganda

 

• Umsókn skilað inn s.l. sunnudag.

• Ásthildur Gunnarsdóttir búin að vinna mjög gott starf og á stóran þátt í þessari umsóknarvinnu.

• Skoðunarferlið tekur núna a.m.k 6 vikur. Við erum jákvæð um niðurstöður en gætum fengið leiðbeiningar um hvað þarf að bæta, ef þess þarf.

• Þegar umsókn verður samþykkt þurfum við að safna mögulega 1.400.000 kr. Að svo stöddu hafa safnast 82.000kr.

• Umsóknin fjallar aðeins um verkefnið til hálfs árs, en það er hugsuð sem byrjun á samstarfi sem má framlengja og yfirfæra á önnur verkefni. Allur fjárhagur sem safnast getur því farið í þetta verkefni og önnur sem myndast út frá því.

• APS og Villi hafa rætt við Hilmar alþjóðafulltrúa um söfnunarmöguleika. Umræður um stóra tónleika.

• APS spyr hvort gjaldkeri geti farið að skoða mögulegar fjáraflanir.

• Stjórn samþykkur að gjaldkeri fer að skoða málin og hefur samband við aðila sem gæti tekið að sér viðburðastjórnun.

 

3. Minningardagur transfólks og tímabilið kringum hann

 

• Minningardagurinn er 20. nóvember. Trans Ísland hefur ávallt séð um kertafleytingu og kaffi.

• TÍ er með mótaðar hugmyndir um hvernig hægt sé að útfæra þennan dag.

• Örn ræðir þann möguleika að bjóða utan aðkomandi aðilum á sjálfum minningardaginn.

• Umræður um að bera tillögur og hugmyndir undir stjórn TÍ og S78 til að passa að allir aðilar séu meðvitaðir og geta lagt hönd á plóg.

• Teymið (úr TÍ og S78) mun hittast og fara yfir möguleikana.

 

4. Greinaskrif stjórnarfólks og trúnaðarráðs

 

• APS minnir þá áskorun að fjórir mismunandi aðilar úr stjórn og trúnaðarráði birti greinar um hinsegin málefni.

• Fulltrúi trúnaðarráðs kemur þessu til skila til trúnaðarráðs.

 

5. Hinsegin spurningar í stórri framhaldsskólarannsókn – “Líðan og hagir hinsegin ungmenna 2013”?

 

• S78 ekki skuldbundin en leggja á sig mikla vinnu til að afla fjár í vinnuna sem fer í þessa framhaldsskólarannsókn.

• APS leggur til að við förum í það að sækja um styrki. Semja þarf gott erindi til að senda á mögulega styrktaraðila. Framkvæmdastjóri tekur þetta að sér.

 

6. Fréttir af starfshópi um ættleiðingamál

 

• GAK segir frá góðum fundi í gær með Íslenskri ættleiðingu. S78 hópurinn kom með dæmi um lönd sem gætu komið til greina sem lönd sem myndu ættleiða til hinsegin (samkynhneigðs) fólks.

• Stefnan er sett á að veita bæði ÍÆ aðhald og taka þátt eins og hægt er.

• Fundað verður aftur eftir mánuð. GAK ætlar að óska eftir fundi með innanríkisráðherra.

• ÁG bendir á að athuga hvort löndin ættleiði til einhleypra líka.

• APS bendir á að koma Uglu inn í hópinn varðandi að gæta hagsmuna trans fólks í þessari vinnu.

 

7. Erindi frá Láru V. Júlíusdóttur um gat í löggjöf kringum hjónaskilnaði

 

• APS segir frá símtali frá Láru. Tveir aðilar sem giftu sig hérlendis vilja fá að skilja hér einnig, en það er ekki leyfilegt út frá reglum um búsetu fólks. Lára er búin að skrifa erindi sem hún vill leggja fyrir S78 og APS biður um umboð til að fara lengra með þetta mál. Stjórn samþykkir.

 

8. Mótmæli vegna komu Franklin Graham til landsins

 

• Sverrir, Örn og Vala (starfshópur) hittust s.l. laugardag varðandi mótmæli. Sverrir kynnir tillögur. Rætt var að sýna trú og trúfrelsi mikla virðingu og einblína á Franklin Graham. Ekki á að trufla samkomuna sem slíka, heldur vera sýnileg og koma skilaboðum áfram. Mótmælin eigi að vera alvarleg, humór er þó ekki bannaður. Skilaboðin verða um mannréttindi hinsegin fólks, að hatursræða er ekki í lagi (þó hún sé dulbúin sem skoðun) og einnig verða skilaboð um að hjónabönd hinsegin fólks séu jafn gild og góð og önnur.

• Sverrir talar um umfjöllun og greinarskrif í vikunni fyrir mótmælin.

• Umræða um að hafa skilaboð bæði á ensku og íslensku.

• ÁG ræðir að allt það sem verður fyrir utan ‘Hátíðina’ verður sett yfir á S78 og því erfitt að ráða stemnningunni. Hann leggur til að við höldum okkar eigin hátíð á sama tíma.

• Umræða um að halda slíkt í næsta nágrenni, t.d. Þrótti.

• GAK leggur til að kalla viðburðinn ‘Glæstar vonir’. Umræða um stefnuna og stemmninguna sem á að vera til staðar, þá að hafa þetta á alvarlegum nótum og vera með eitthvað sem væri gott myndefni fyrir fréttir.

• Framkvæmdastjóri og starfshópurinn skoðar þessi mál sem fyrst og halda áfram að vinna með þessa hugmynd.

 

9. Húsnæðismál

 

• Staðan þegar kynnt á Facebook. Allt í skoðun.

 

10. Önnur mál

a) Námskeið um kynningarmál og fjáröflun frjálsra félagasamtaka

 

• Endurmenntun sendi inn erindi varðandi þetta námskeið. ÁG sendi það áfram á gjaldkera og formann og leggur til að einhver verði sendur á námskeiðið, kostað af S78 gegn því að sú manneskja starfi fyrir S78 á þessu sviði yfir ákveðið tímabil svo að þekkingin glatist ekki.

• APS jákvæð fyrir þessu og leggur til að Villi fari. Allir samþykkja.

 

b) Erindi frá BDSM samtökunum

 

• Siggi kynnir það að formaður BDSM á Íslandi hafði samband við S78 varðandi að koma á samstarfi milli félagana tveggja í þeim tilgangi að koma meiri fræðslu frá sér.

• BDSM hefur einnig áhuga á því að koma bókum á bókasafn S78, stjórn er jákvæð fyrir því.

• Umræða um að vissulega megi vera tengsl og að það megi ræða málin frekar. Hins vegar kallar stjórn eftir frekari upplýsingum. Siggi mun skoða málið frekar.

 

c) ‘Stólaleikurinn’ (ákall S78 eftir stólum frá félagsmönnum) og verklag í kringum slíkt

 

• Villi talar um að taka jákvæðari í hugmyndir frá okkar fólki og að fara vel með fólk í sjálfboðavinnu. SAS tekur undir og er ósátt við hvernig var staðið að þessu, að taka fyrir hendurnar á starfandi framkvæmdastjóra og setja lítið mál á borð stjórnar.

• ÁG ræðir að hann þekkir þessa stöðu sem framkvæmdastjóri (að leggja fram hugmyndir sem er lokað á).

• Umræða um hugmyndina sjálfa (að biðja félagsmenn og aðra að gefa S78 stóla fyrir regnbogasal). Bent á að nýjir stólar hafi lengi verið til umræðu. Stjórn mjög jákvæð og ánægð með þessa hugmynd.

• Umræða um hvernig ætti að taka svona hugmyndir fyrir og hvað á erindi inn á borð stjórnar. Stjórn sammála um að eyða ekki tíma í smámál sem aðrir geta séð um. APS segir betra að klára umræðuna áður en farið er af stað.

• Stjórn sammála um að slíkar umræður og mál eigi heima á Facebook og þar hefði mátt klára þetta til að byrja með, leyfa meirihlutanum að ráða og koma í veg fyrir að slík smá mál lendi á borð stjórnar.

• Mikill vilji fyrir því að Gunnar Helgi taki þetta mál að sér á ný og fari með það alla leið. Stjórn sendir honum knús.

 

d) Bi, Pan o.fl. fundurinn

 

• Siggi segir frá því að c.a. 15 manns hafi mætt. Stofnaður hefur verið hópur á Facebook. Umræður eru í gangi til að ræða form félagsins og framhald. Annar fundur hefur verið ákveðinn í október.

 

e) HIV árlegur stuðningur

 

• ÁG spyr hvort við ætlum ekki að halda árlegum fjárstuðningi okkar við HIV Ísland. Stjórn samþykkir.

• SAS spyr út í HIV dag S78 og atriði út frá honum. ÁG mun hafa samband við Birnu varðandi lýðheilsumálin og HIV.

 

Fundi slitið: 18.39.
Næsti fundur verður: 02.10.13 kl.17.00

Fundarritari: Svandís Anna Sigurðardóttir