Hinsegin dagar 2003 – Viltu vera með atriði í gleðigöngunni?

Atriðum í gleðigöngunni hefur fjölgað ár frá ári og mörg hver hafa verið einstaklega glæsileg. Til þess að setja upp gott atriði er mikilvægt að hugsa málin með fyrirvara. Góð atriði þurfa ekki að kosta mikla peninga. Gott ímyndunarafl og liðsstyrkur vina og vandamanna dugar oftast nær. Hinsegin dagar eru með verkstæði í gamla Hampiðjuhúsinu við Brautarholt, gengið inn frá Brautarholti, rétt ofan við Hlemm. Þar geta allir sem eru að setja saman atriði saumað og smíðað og nýtt sér það skraut sem er á boðstólum hverju sinni. Þau sem geta lagt til verkfæri, saumavélar og svo framvegis, vinsamlegast hafið samband við okkur.

Þáttakendur sem ætla að vera með formleg atriði í göngunni verða að tilkynna það til Hinsegin daga fyrir 1. ágúst. Best er að hafa sambandi við Heimi Má framkvæmdastjóra í síma 862 2868, eða göngustjórana, Katrínu í síma 867 2399, og Guðbjörgu í síma 865 3390, eða hafa samband við Hrafnkel framkvæmdastjóra Samtakanna ´78 í síma 552 7878 milli kl. 12-16 á daginn og biðja hann um að koma boðum áleiðis til göngustjórnarinnar. Allir þessir aðilar veita nánari upplýsingar um tilhögun og undirbúning.

Í umsókn þarf að koma fram hversu margir taka þátt í atriðinu, hvort viðkomandi er með farartæki, handknúinn vagn eða bíl, hvernig viðkomandi hugsar sér að leysa sín mál hvað músík varðar o.s.frv.

Byrjað verður að raða göngunni upp við lögreglustöðina á Hlemmi kl. 13, laugardaginn 9. ágúst og þeir þátttakendur sem eru með atriði verða skilyrðislaust að mæta á þeim tíma. Gangan leggur stundvíslega af stað kl. 15 og bíður ekki eftir neinum.

Leyfum þúsund blómum að blómstra í göngu ársins í Reykjavík.